Op 5 Augustus is daar ’n spesiale Bewonersvergadering gehou om die begroting goed te keur.  Die voorsitter van die Bestuur, Nils Tania, het die vergadering ingelig i v m De  Meerpaal se finansiële posisie. Die meerderheid het d m v stemme die begroting goedgekeur. Die vergadering is op gebruiklike wyse afgesluit met ’n heerlike koppie koffie en `n spekulaas koekie ! ! 

Ons is baie jammer dat Anneke, weens omstandighede bedank het as lid van die bewonerskomitee. Anneke ons wens jou alle sterkte toe. Baie dankie vir al jou insette en positiewe bydraes wat jy gedurende die jare gelewer het. BAIE DANKIE ! ! !

Wietze v d Dussen sal as gekoöpteerde lid by die komitee aansluit.

Elke het die vergadering ingelig dat die rakke in die biblioteek uitgesorteer gaan word met die oog op die mark op 8 November. Die uitgesoekte boeke sal tydens die mark verkoop word.

Soos ons al vir Luuk leer ken het kan hy nie stilsit nie. Hy het onderneem om die “Molen” by die hek onderhande te neem. Die Bewonerskomitee sal die kostes dra.

Soos ons reeds tydens ‘n koffie-oggend deur Antoinette verneem het is die “bulk”meter vir elektrisiteit reeds geinstalleer (ons was mos die hele dag en aand sonder krag) ! ! Daar word nou gewag vir goedkeuring deur Tshwane.  Die voorafbetaalde meters gaan verval. Die inwoners is reeds daarop gewys dat hul so min as moontlik krag op die meters moet hê aangesien Tshwane nie die oorblywende krag gaan vergoed nie.

Baie dankie dat al die inwoners so flink gereageer het op die whatsapp i v m die stoepreëls.

Ons inwoners sien elke maand so daarna uit om die Bulletin te ontvang.  Ek wonder of ons al besef het hoeveel die finansiële uitgawes is om ons elkeeen van ‘n Bulletin te voorsien. Daar is op hierdie stadium ‘n punt bereik dat ons moet bespaar om die verspreiding van gedrukte uitgawes te verminder.

’n Nuwe metode van verspreiding vir die gedrukte uitgawe van Bewoners Bulletin gaan vanaf Oktober gebruik word.  Die metode sal later tydens koffie-oggend verduidelik word.. 

Die redakteur word weereens bedank vir `n puik Bulletin.

Ons wil vir Gerda en haar span bedank vir al die reëlings i v m die mark op 8 November. (Het u die datum al op u kalender aangeteken?)  Die reëlings en beplanning is `n reuse taak. Sterkte Dames.

Die Klubhuis het nou `n naam.  Rudi baie dankie vir die reëlings vir die maak van die naambord.  Die naam sal binnekort aangebring word. Soos ons almal bewus is, is die Klubhuis tot al die inwoners se beskikking en die Klubhuis moet benut word. Daar was ‘n voorstel dat ’n braaiplek ingberig word. Die Bewonerskomitee het aangebied om ‘n braaier aan te koop.  Die inwoners kan gerus by die Klubhuis gaan inloer ! !

Ja, die privetboom met sy bessies, wat deur die voëls versprei word, is `n ergenis vir sommige inwoners, veral op die stoepe. Daar is besluit om nie die groot bome te verwyder nie aangesien die bessietyd net tydelik is. Nuwe klein boompies wat opkom moet verwyder word.

Indien `n besoeker of selfs ‘n inwoner wie se motor onder die afdak geparkeer is, se motor olie lek op die plaveisel, is dit die verantwoordelikheid van die inwoner om die oliekol te verwyder.

Indien daar verstoppings van die afvoerpype voorkom, skryf die probleem asseblief in die klagteboek sodat daar aandag aan gegee kan word.

Antoinette, Angeline en hul helpers word bedank vir hul kreatiwitet en harde werk  (Dit nogal op `n Vrydag ! !) om ons tuin ‘bietjie “modern” te maak. Ek dink die struike wat verwyder is was ook al “antiek”. Baie dankie.

Baie groete

Nelke