Ek wonder of SA nog bekend sal wees as sonnige SA?  Dit het hierdie somer darem baie gereën!  Ons is darem dankbaar vir die goeie reën!  Sieg baie dankie dat jy die inwoners op hoogte hou van die reënval.  Die hoeveelheid mm word gereeld op die aansteekbord aangedui. U kan gerus gaan kyk.

Die Bewonerskomitee se maandelikse vergdering het op 2 April plaasgevind, direk na die koffie-oggend.  Al die komitee-lede was teenwoordig behalwe Anneke.  Die voorsitter het haar alle sterkte toegewens en ons hoop dat sy gou weer by ons kan aansluit.  Sterkte Anneke!

Die sproeiers aan die noordekant is steeds buite werking. Die sproeiers kan wel met die hand beheer word.

Ongelukkig is die tafels in die saal nog nie herstel nie. Daar word  steeds gewag vir `n kwotasie.

Ek hoop die inwoners het die gerestoureerde bankies in die voortuin gesien?   Dit lyk soos nuwe bankies. Baie dankie Thabo.

Peet word ook bedank vir die harde werk met die bankie voor B124 aan die noordekant. Die bankie is op die gras en “`n rusplek langs die pad”

Daar is `n klag ontvang dat ons tuinwerkers tydens hul tee- en etenstyd inwoners se motors was en in inwoners se huise werk. Dis hul persoonlike tyd maar die klag is dat die werkers daarna tee- en etenstyd neem. Dit word nie toegelaat nie.

Ek wonder of u weet hoeveel inwoners in De Meerpaal woon? Antoinette het bevestig dat daar 166 inwoners in De Meerpaal woon.

Daar was `n vriendelike versoek om die Bestuur te vra om aandag te gee aan die verpligte etes.  Die inwoners het `n probleem met die aantal etes. Kan die hoeveelheid etes nie verminder word nie?  Die komitee het die versoek na die Bestuur verwys. Ons hou duimvas!

Daar was `n voorstel van `n inwoner. Hoe voel die “verpligte eters” om net Sondae nagereg te kry?  Miskien kan dit help met die koste. (Ja, `n verhoging is seker oppad).

Die inwoners word daaraan herinner dat die grootdruk-boeke op Woensdae in die biblioteek beskikbaar is tussen 08:30 en 09:30.  Inneke sal die inwoners daar ontvang.

Soos die inwoners reeds bewus is het die boorgat ons in die steek gelaat.  Gelukkig het ons heerlike reën gehad. Die bestuur doen alles in hul vermoë om die groot probleem te herstel. Hou moed ! !

Ons A J V is gehou op 16 April.  Daar was `n baie goeie opkoms. 66 Inwoners was teenwoordig.  Die voorsitter het sy jaarverslag gelewer, so ook het die voorsitsters van die biblioteek en O & O verslag gedoen van hul jaarlikse bedrywighede. 

Die vergadering het skrywes ontvang met die volgende versoeke:

• `n Petisie is ontvang om die die 14 verpligte etes te verminder.
• Om vrugte bome op die terrein aan te plant.
• Om `n tuinkomitee aan te stel.
• Tuinwerkers wat hul plig versuim.
• Sekuriteitpersoneel se uniforms.

Vrae wat tydens die vergadering gevra is:

• Die doeltreffendheid van die sonpanele.
• Parkering in die inham voor huisie 7.
• Daar was `n versoek dat die kennisgewing “Geen parkering vir besoekers” by die inham voor huisie 7 nader na die inham verskuif moet word.
• Daar was `n versoek dat meer spoedhobbels aangebring moet word.
• Daar was `n vraag aangaande die nuwe muur aan die suidekant, aangesien die muur afbreek doen aan ons pragtige tuine.  Die voorsitter verduidelik dat die ryvlak vergroot word. Randstene word aangebring en die spasie word opgevul met klippies.

Alle vrae en versoeke sal op die volgende bewonerskomitee vergadering bespreek word.  Vrae wat nie opgelos kan word nie sal na die bestuur verwys word.

Die nuwe bestuur vir 2025 is as volg:

• Wim van den Berg – Voorsitter
• Rudi v d Wielen – Lid
• Peet Delport – Ondervoorsitter
• Anneke Heesakkers – Lid
• Nelke Ribberink – Sekretaresse
• Antoinette Venter – Bestuur
• Jaap Kelder – Lid
• Nicolette Coetzee – Personeel
• Jan Windt is verkies as `n nuwe lid van die Bewonerskomitee.  Baie geluk!

Indien inwoners insae wil hê in die notule en jaarverslae van die A J V is lg in die kantoor beskikbaar.

Die vergadering is op `n hoë noot afgesluit met `n heerlike koppie “Boeretroos”. Baie dankie Bep en Atie!

Baie groete

Nelke Ribberink